Almennt um Chihuahua
Chihuahua
Einkenni Chihuahua er hið eplalagaða höfuð, stór vökul augu, uppsett eyru sem eru staðsett tíu mínútur í tvö, hálfhringað skott sem borið er hátt, sterkbyggður líkami og hugrekki sem oft er meira en góðu hófi gegnir.
Tvö afbrigði eru til en það eina sem aðgreinir þau er feldurinn, sem er þá annað hvort snöggur eða síður. Þessi tvö afbrigði eru ekki sýnd saman á sýningum, heldur sem tvær tegundir.
Uppruni
Chihuahua er ættaður frá Mexíkó og dregur nafn sitt frá Chihuahua héraði þar í landi. Þó að Chihuahua sé lítill, þá er hann furðu sterkur, enda eru uppi hugmyndir um að Chihuahua hafi verið villtir hér áður fyrr og Toltekar (900-1200 e. Kr. ) hafi hænt þá að sér.
Stærð
Chihuahua hefur þann titil að vera minnsta hundategundin en stærð hans getur þó verið mjög misjöfn, allt frá 500 gr. og upp í 3 kg. Ákjósanleg stærð er 1,5 kg. til 3 kg. Engin takmörkun er á hæð Chihuahua samkvæmt staðli FCI um tegundina.
Litir
Allir litir og litasamsetningar eru leyfilegar, sem ýtir undir margbreytileika tegundarinnar.
Hreyfing
Chihuahua á skilið þá virðingu að komið sé fram við hann sem hund og hann fái að nota alla sína 4 fætur. Chihuahua nýtur þess að fara reglulega í góðar göngur en kallar ekki á þær á hverjum degi og veðurfar hefur þar að sjálfsögðu áhrif. Snögghærðir Chihuahua geta verið kulvísari en þeir loðnu en bæði afbrigði þiggja eflaust smart föt til að ylja sér á köldum dögum.
Umhirða
Chihuahua þarf litla feldumhirðu en gott er að greiða yfir feldinn vikulega. Klippa þarf klær reglulega og strjúka yfir tennur og góm með mjúkum bursta eða tusku vikulega, svo að tannsteinn myndist síður.
Annað
Chihuahuar eru félagslyndir og vilja flest fyrir eigendur sína gera. Þeir eru vel gefnir og geta jafnvel reynt að ala eigendur sína upp eftir sínu höfði og þá er eins gott að vera sniðugri. Allt of oft heyrast neikvæðar skoðanir þeirra sem ekki þekkja tegundina vel, þar sem Chihuahua er lýst sem, sífellt gjammandi og urrandi rottu. Það fer fjarri lagi að þetta sé rétt lýsing á tegundinni. Það er sama hvaða tegund við erum með, við þurfum að ala dýrin okkar upp af ást, alúð og jákvæðum aga. Hvorki harka né undanlátsemi á er hér við, ekki frekar en hjá börnunum okkar. Chihuahua getur verið var um sig gagnvart ókunnugum og vill sjálfur fá að koma til fólks á sínum tíma og hraða, annars getur fólk bara átt sig. Chihuahua sem hefur frá fyrstu tíð alist upp við gott atlæti, ætti að hafa alla burði til að vaxa upp í að vera andlega og líkamlega sterkur hundur sem umgengst lífið af gleði og öryggi og vera ómetanleg gleði öllum þeim sem hann umgangast.
Við gerð ofangreinds texta er stuðst við FCI staðal um tegundina, Hundabókina, 2003 sem Brynja Tomer þýddi og staðfærði eftir höfundinn Joan Palmer, Chihuahuas, 1995 eftir Beverly Pisano og eigin reynslu sem Chihuahua eiganda og áhugamanneskja um tegundina.
Halldóra Reykdal
Einkenni Chihuahua er hið eplalagaða höfuð, stór vökul augu, uppsett eyru sem eru staðsett tíu mínútur í tvö, hálfhringað skott sem borið er hátt, sterkbyggður líkami og hugrekki sem oft er meira en góðu hófi gegnir.
Tvö afbrigði eru til en það eina sem aðgreinir þau er feldurinn, sem er þá annað hvort snöggur eða síður. Þessi tvö afbrigði eru ekki sýnd saman á sýningum, heldur sem tvær tegundir.
Uppruni
Chihuahua er ættaður frá Mexíkó og dregur nafn sitt frá Chihuahua héraði þar í landi. Þó að Chihuahua sé lítill, þá er hann furðu sterkur, enda eru uppi hugmyndir um að Chihuahua hafi verið villtir hér áður fyrr og Toltekar (900-1200 e. Kr. ) hafi hænt þá að sér.
Stærð
Chihuahua hefur þann titil að vera minnsta hundategundin en stærð hans getur þó verið mjög misjöfn, allt frá 500 gr. og upp í 3 kg. Ákjósanleg stærð er 1,5 kg. til 3 kg. Engin takmörkun er á hæð Chihuahua samkvæmt staðli FCI um tegundina.
Litir
Allir litir og litasamsetningar eru leyfilegar, sem ýtir undir margbreytileika tegundarinnar.
Hreyfing
Chihuahua á skilið þá virðingu að komið sé fram við hann sem hund og hann fái að nota alla sína 4 fætur. Chihuahua nýtur þess að fara reglulega í góðar göngur en kallar ekki á þær á hverjum degi og veðurfar hefur þar að sjálfsögðu áhrif. Snögghærðir Chihuahua geta verið kulvísari en þeir loðnu en bæði afbrigði þiggja eflaust smart föt til að ylja sér á köldum dögum.
Umhirða
Chihuahua þarf litla feldumhirðu en gott er að greiða yfir feldinn vikulega. Klippa þarf klær reglulega og strjúka yfir tennur og góm með mjúkum bursta eða tusku vikulega, svo að tannsteinn myndist síður.
Annað
Chihuahuar eru félagslyndir og vilja flest fyrir eigendur sína gera. Þeir eru vel gefnir og geta jafnvel reynt að ala eigendur sína upp eftir sínu höfði og þá er eins gott að vera sniðugri. Allt of oft heyrast neikvæðar skoðanir þeirra sem ekki þekkja tegundina vel, þar sem Chihuahua er lýst sem, sífellt gjammandi og urrandi rottu. Það fer fjarri lagi að þetta sé rétt lýsing á tegundinni. Það er sama hvaða tegund við erum með, við þurfum að ala dýrin okkar upp af ást, alúð og jákvæðum aga. Hvorki harka né undanlátsemi á er hér við, ekki frekar en hjá börnunum okkar. Chihuahua getur verið var um sig gagnvart ókunnugum og vill sjálfur fá að koma til fólks á sínum tíma og hraða, annars getur fólk bara átt sig. Chihuahua sem hefur frá fyrstu tíð alist upp við gott atlæti, ætti að hafa alla burði til að vaxa upp í að vera andlega og líkamlega sterkur hundur sem umgengst lífið af gleði og öryggi og vera ómetanleg gleði öllum þeim sem hann umgangast.
Við gerð ofangreinds texta er stuðst við FCI staðal um tegundina, Hundabókina, 2003 sem Brynja Tomer þýddi og staðfærði eftir höfundinn Joan Palmer, Chihuahuas, 1995 eftir Beverly Pisano og eigin reynslu sem Chihuahua eiganda og áhugamanneskja um tegundina.
Halldóra Reykdal
