Vinnufundur 23.3.2011
Mætt eru: Anna Guðný, Daníel, Halldóra og Klara
Efni fundar:
- Farið yfir úrslit deildarsýningar
- Farið yfir hvað Marja Kosonen dómari hafði að segja um tegundina
- Farið yfir hvað Kristy Leest þjálfari hafði að segja um sýningaþjálfun
- Aðalfundur undirbúinn
-
Fundur stjórnar 9.3.2011
Mættar eru: Anna Guðný, Halldóra og Klara
Efni fundar:
- Gengið í að fá fleiri skráningar á deildarsýningu til þess að ná lágmarksfjölda
- Farið yfir skráningu á deilarsýningu
- Farið yfir fjárhagsáætlun deildarsýningar og námskeiðs
- Gengið frá umsókn um leyfi frá Umhverfisstofnun
- Dagskrá sýningar ákveðin
- Gengið frá pöntun á mat á deildarsýningu ásamt kvöldverði eftir sýninguna
-
Fundur stjórnar 16.2.2011
Mætt eru: Anna Guðný, Daníel, Halldóra og Klara
Efni fundar:
- Aðalfundur deildarinnar; farið yfir ársskýrslu og starfsáætlun komandi tímabils, fá upplýsingar um framboð og auglýsa aðalfund.
- Deildarsýning; starfsfólk, húsnæði, setja upp og taka niður sýninguna, sækja og skila dómara, bikarar, númer, matur.
- Sýninganámskeið; fjárhagsáætlun og verð, dagskrá
- Bréf frá kynninganefnd: Samþykkt að kaupa nýjan dúk í bás, samþykkt að halda myndagöngu, auglýsa eftir fólki í bás.
- Bikarar: Bjóða Dýrabæ auglýsingapláss á deildarsíðu og póstlista fyrir bikara á sýningum
.- Augnvottorð: Samþykkt að óska eftir lengingu á gildistíma augnvottorða úr 13 mán upp í 19 mánuði
- Heilsufarsdagur: Stefnt að því að halda í haust.
- Páskabingó: Haldið 9. apríl
Næsti fundur 9. mars
Stuttur vinnufundur 23. Mars
-
Fundur stjórnar 19.janúar 2011.
Mættir voru á skrifstofu Hrfí: Anna Jóna, Anna Guðný, Halldóra,Daníel, Klara.
Efni fundar:
- Deildarfundurinn 26.janúar; Deildarsýning og sýninganámskeið kynnt stuttlega, kaup á gagnagrunni kynnt, grundvallarreglur HRFÍ kynntar sem og reglugerð um skráningu í ættbók.
- Aðalfundur deildarinnar ákveðinn 30. mars á skrifstofu HRFÍ
- Sýning deildarinnar 19. mars; skráning ákveðin frá 8.-23.
- Sýningarnámskeið og snyrtikennsla með Kristy Leest undirbúin; flug og hótel bókað
- Pörunarbeiðni tekin fyrir og afgreidd.
- Samþykkt að kaupa gagnagrunn fyrir deildina
- Ákveðið að biðja um Michael Forte sem dómara á næstu sýningu félagsins
- Rætt um að hafa heilsufarsdag í haust
- Smáhundadagar í Garðheimum, vísað á kynninganefnd
- Sýningaþjálfun,búið er að bóka daga fyrir sýningaþjálfun hjá Gældudyr.is út árið.
- Beiðni um auglýsingu á sýninganámskeiði hafnað þar sem ekki var um að ræða námskeið á vegum deilda eða félagsins. Hægt er að kaupa auglýsingar á vef deildarinnar.
- Lenging á gildistíma augnvottorða rædd, samþykkt að fara í gangaöflun.
Næsti fundur ákveðin 16.febrúar kl: 17 á skrifstofu HRFÍ.
-
Vinnufundur 30.11.2010
- Farið yfir umsagnir og úrslit síðustu sýningar
- Pörunarbeiðni tekin fyrir
- Farið yfir niðurstöðu augnskoðunnar
- Bikarar; minna á að bikurum/gjöfum þarf að koma til stjórnar fyrir viðburði
Næsti fundur ákveðinn 19. janúar 2011.
-
Fundur stjórnar 11. nóvember 2010
Mætt eru: Anna Guðný, Anna Jóna, Daníel, Halldóra og Klara
- Bikarar, óska eftir bikurum á póstlista fyrir komandi sýningu
- Heiðrun stigahæstu hunda og jólaball: ákveðið að heiðra á jólaballi deildarinnar þann 28. nóvember nk. Deildin kaupir kaffi og kakó, gestir mæta með léttar veitingar á sameiginlegt borð.
- Deildarsýning 2011, farið yfir hvað þarf að vinna fram að næsta fundi í janúar.
- Skoðað hvort grundvöllur sé fyrir sýninganámskeiði fyrir deildarsýninguna.
- Deildarfundur í janúar, fara yfir grundvallarreglur og ræktunarreglur, deildarsýning kynnt.
- Heilsufarsvottorð rædd.
Næsti fundur 19.janúar 2011, klukkan 1700
-
Vinnufundur 6. október 2011
Efni fundar:
- Undirbúningur fyrir fulltrúaráðsfund; starf og fréttir deilda: Sýningaþjálfun, leikjadagur, jólaball, deildarsýning, gagnagrunnur.
- Deildinni boðið á sýninganámskeið á vegum mjóhundadeildar
- Sýningaþjálfun, dagsetningar fastsettar.
Næsti fundur ákveðinn 11. nóvember
-
Fundur stjórnar 15. september 2010
Mætt eru: Anna Guðný, Anna Jóna, Daníel, Halldóra og Klara
Efni fundar:
- Leikjadagur
- Beiðni um styrk til endurmenntunar
- Hundar í kynningarbásum; ítrekað við kynninganefnd að aðeins hundar eldri en 9 mán og ættbókarfærðir hjá HRFÍ séu í bás og að einungis þeir hundar mæti sem beðið er um.
- Augnvottorð
- Gagnagrunnsmál rædd
Næsti fundur ákveðinn 6. október
-
Fundur stjórnar 24. ágúst 2010
Mættar eru: Anna Guðný, Halldóra og Klara
Efni fundar:
- Deildarsýning í mars 2011; Umsókn og kostnaðaráætlun.
- Sýninganámskeið í tengslum við deildarsýningu
- Bikarar; ný plata með merki deildarinnar í boði á hausa bikara.
- Boð um sameiginlega sýningu með Papillondeild; boðið afþakkað þar sem deildin hefur þegar bókað hingað dómara á sérdeildarsýningu sem hefur sérþekkingu á tegundinni. Samþykkt að ef það samræmist lögum HRFÍ verði ekki staðið í vegi fyrir því að Chihuahua taki þátt.
- Skráning úrslita á komandi sýningu
- Dagskrá haustsins, ákveðið að fella niður áætlanir um fyrirlestra vegna lélegrar aðsóknar deildarmanna á fyrirlestur í sumar.
- Fjáröflun
- Jólaball, 28. nóvember
- Heiðrun stigahæstu hunda
- Útreikningur á stigahæstu hundum og birting stöðu eftir hverja sýningu.
- Heimasíða; taka út gotasíðu þar sem hún er lítið nýtt.
- Gagnagrunnsmál rædd
- Halda þeim sið að fara út að borða eftir sýningar, senda á kynninganefnd.
Næsti fundur ákveðinn 15. september
-
Vinnufundur með kynninganefnd 10. júní 2010
Efni fundar:
- Farið yfir starfssvið nefnda
- Farið yfir hvaða kröfur eru gerðar á hunda í kynningabásum á vegum deildarinnar. Minnt á 9 mánaða aldurstakmark og að hundarnir hafi ekki alvarlega sjáanlega útlitsgalla skv. standard.
-
Fundur stjórnar 10.maí 2010
Mætt eru: Anna Guðný, Daníel, Halldóra og Klara.
Efni fundar:
- Sýningaþjálfun, fleiri þjálfara vantar í þjálfunina 27. maí
- Fyrirlestrar, fyrirlestur með Hönnu Maríu dýralækni, dagsetningar beðið
- Deildarsýning, bóka húsnæði
- Sumarsýning HRFÍ, bikaramál
- Deildarsíðan; stofna Facebook síðu, útbúa staðlaðan fyrsta póst á nýskráða póstlistameðlimi.
- Samþykkt að kaupa USB lykla
- Rakkabeiðni tekin fyrir og afgreidd
- Fjáröflun
- FCI breeding strategies
- Fulltrúaráðsfundur
- Tegundakynning fyrir dýralækna
- Tímarit
- Gagnagrunnur undirbúinn í sumar
- Kynninganefnd; Anna Guðný áfram tengiliður stjórnar.
Fundur með kynninganefnd ákveðinn 14. Júní.
Næsti fundur ákveðinn 7. júní
-
Fundur stjórnar 6.apríl 2010
Mætt voru: Anna Jóna, Anna Guðný, Daníel Örn, Halldóra og Klara Símonardóttir.
Efni fundar:
- Verkaskipting stjórnar:
Formaður: Halldóra Reykdal Tryggvadóttir
Ritari: Daníel Örn Hinriksson
Gjaldkeri: Anna Guðný Jónsdóttir
Meðstjórnendur: Anna Jóna Halldórsdóttir og Klara Á. Símonardóttir.
-Nefndir deildarinnar, kynningarnefnd og leikjanefnd.
-Starfsáætlun ársins, farið yfir hvað er á starfsáætlun tímabilsins.
-Heimasíða og netfang deildarinnar, breytingar á síðu ræddar og ákveðið að nýta betur netfang deildarinnar.
- Breyting á heimilisfangi deildarinnar.
- Sumarfrí stjórnar, 15.júní til 15.ágúst 2010.
Næsti fundur stjórnar 10.maí 2010
.
Aðalfundur Chihuahua deildar Hundaræktarfélags Íslands haldinn 29. Mars 2010 að Dalvegi 16b kl. 20.00.
Mættir stjórn deildarinnar og 15 fundarmenn.
Á dagskrá venjuleg aðalfundarstörf.
1. Skýrsla formanns
2. Skýrsla gjaldkera
3. Kosning stjórnar
4. Önnur mál.
Formaður Daníel Örn Hinriksson setti fundinn og bauð fundarmenn velkomna. Formaður stakk uppá að Lilja Dóra Halldórsdóttir yrði fundarstjóri og undirrituð Edda Margrét Jensdóttir fundarritari. Það var samþykkt.
Lilja Dóra kannaði lögmæti fundarins, að rétt hefði verið boðað til hans og var það allt rétt og klárt og fundurinn því lögmætur.
Formaður Daníel Örn flutti ársskýrslu deildarinnar og var hún samþykkt.
Anna Guðný Jónsdóttir ritari deildarinnar flutti fjárhagsskýrslu. Fyrirspurnir bárust um hvað fælist í "Annar kostnaður" Anna Guðný las þá reikninga upp og útskýrði fyrir fundarmönnum. Einnig sagði hún að reikningar væru opnir fyrir öllum og öllum frjálst að fara yfir þá. Hún sagði frá því að afmælissýning deildarinnar hefði komið út í plús og það fé rynni til félagsins HRFÍ.
Reikningar deildarinnar voru samþykktir.
Kosning í stjórn.
Úr stjórn áttu að ganga Anna Jóna Halldórsdóttir og Klara Símonardóttir þær gáfu báðar kost á sér áfram og þar sem ekki komu nein mótframboð var það samþykkt einróma.
Því næst óskaði stjórn eftir fólki í kynningarnefnd, og bað fólk að skrá sig á blað.
Göngunefnd var lögð niður í núverandi mynd þar sem lítil sem engin þátttaka var í þeim göngum sem boðið var uppá á starfsárinu.
Anna Jóna Halldórsdóttir tók til máls og lagði fram hugmynd að leigja reiðhöllina í Víðidal tvisvar á ári fyrir félagsmenn til þess að hittast með hundana, leyfa þeim að hlaupa lausum og einnig að vera með þrautir fyrir þá. Stungið var uppá að hafa grillveislu í lokin! Að sjálfsögðu var svo rætt um að jólaballið yrði einnig í reiðhöllinni.
Ásta María Karlsdóttir bauð uppá að standa fyrir prufutíma í hundafimi og var vel tekið undir það.
Sigurbjörg Vignisdóttir ( Silla ) spurðist fyrir um hvort eitthvað væri á döfinni hjá stjórn um fjáröflun, þau sögðu að það væri alltaf eitthvað á döfinni.
Halldóra Reykdal sagði að það væri boðið uppá fræðslu fyrir félagsmenn fyrir fjáröflunarfé sem safnast hefði. Stungið var uppá að fá Helgu Finnsdóttur dýralækni og Björn S. Árnason hundaatferlisfræðing á fræðslukvöld fyrir deildina.
Berglind Magnúsdóttir stakk uppá að grill og fjölskylduskemmtun yrði haldin. Anna Jóna styður þá hugmynd ef einhver vill hrinda henni í framkvæmd. Einnig sagðist Anna Jóna vera svo stolt af deildinni og félagsmönnum hennar, hún sagðist hafa heyrt það úti bæ t.d. að dýralæknar segi að þekking félagsmanna sé til fyrirmyndar og einnig hefur það spurst út hvað sýnendur séu flottir og gangi vel um sýningarsvæðin.
Ásta María karlsdóttir spyr hvort grundvöllur sé fyrir bóklegri sýningarþjálfun og var mjög vel tekið í þá hugmynd. Hún sagði frá því að Arne Foss dómari á afmælissýningu deildarinn hefði verið mjög hrifinn af sýnendum og hvað þeir komu vel fram og kunnátta þeirra góð.
Undirrituð Edda Margrét gagnrýndi heimasíðu deildarinnar, hún væri bara upptalning á nauðsynlegum upplýsingum, þar vantaði myndir og fleira skemmtilegt til fróðleiks fyrir félagsmenn og aðra sem skoða síðuna. Klara sér um síðuna og hún sagðist gjarnan vilja fá aðstoð við að setja inn efni og vill fá það í tölvupósti þar sem hægt er að setja það inn strax. Halldóra Lind vill fá gagnagrunn á síðuna flestir voru sammála því, þar þyrftu að vera upplýsingar um ættbækur og heilsufarsskoðanir. Hún bauðst einnig til að aðstoða við það.
Steinunn Guðbjörnsdóttir spurði um heilsufarsdag hvort að hann yrði aftur. Daníel Örn svaraði því til að hann teldi það ólíklegt þar sem nú eru gerðar meiri kröfur við pörun hundanna en áður var.
Spurt var um hvort einhverjir hundar hefðu látist árinu en það virðist ekki vera svo vitað sé.
Fundi slitið kl. 21.00
Fundur 25.3.2010, Stekkur
Mætt voru: Anna Guðný, Anna Jóna, Daníel Örn, Halldóra og Klara.
Efni fundar:
Undirbúningur fyrir aðalfund
- Ársskýrsla samin
- Farið yfir ársreikning
- Skipt um fundarstað og ný staðsetning auglýst á síðum deildar og HRFÍ
- Fundarstjóri fenginn
Deildarfundur 2.2.2010, Skrifstofa HRFÍ
Efni fundar:
- PRA, niðurstöður augnskoðunar.
- Niðurstöður Norðurlandafundar sem Klara sótti 23. - 24. Janúar sl.
- Rakkatollur og kaupverð hvolpa,samþykkt að viðmiðunarverð lækki í 150.000 og að rakkatollsviðmið verði 25.000 fyrir hvern heilbrigðan 8 vikna hvolp.
- Aldur tíka við pörun, ákveðið að sækja ekki um undanþágu.
- Afmælissýning deildarinnar, farið yfir dagskrá afmælishelgarinnar.
Fundur 25.1.2010
Mætt voru: Anna Guðný, Anna Jóna, Daníel Örn, Halldóra og Klara.
Efni fundar:
- Farið yfir niðurstöður Nordic Chihuahua Meeting sem var haldinn í Svíþjóð helgina 23. - 24. Janúar sl.
- Deildarfundur undirbúinn
Fundur 20.1.2010
Mætt voru: Anna Guðný, Anna Jóna, Daníel Örn og Klara.
Efni fundar:
- Undirbúningur fyrir Nordic Chihuahua Meeting 23. - 24. janúar nk.
- PRA
- Básamál, staðfesta bás fyrir deildina á næstu sýningu.
Fundur 11.1.2010
Mætt voru: Anna Guðný, Anna Jóna, Daníel Örn, Halldóra og Klara.
Efni fundar:
- Nordic Chihuahua Meeting 2010, hverjir komast á fundinn. Klara fer fyrir hönd deildar.
- Deildarfundur, frestað þar til í febrúar.
- Afmælissýning deildarinnar, sýning og ræktunarnámskeið undirbúin.
- Sýningaþjálfun, ath með aðrar deildir.
- Fræðsla á árinu, fyrirlestrar ræddir.
- Páskabingó ákveðið.