Leiktu við hundinn þinn
Höf. Klara Símonardóttir, chihuahua.is
Allir hundar þurfa andlega örvun en sumir meira en aðrir og það er gott og gaman að leggja fyrir hundana þrautir eða leiki hvort sem er inni eða úti og höfum við því tekið saman nokkrar hugmyndir.
Úti
Steinar
Stóra steina má nota til þess að auka samstarfsvilja hjá hundinum og sjálfsöryggi hans ásamt því að brjóta aðeins upp göngutúrinn. Til þess að fá hundinn til að fara upp á steina þarf að byrja á steinum sem hann ræður auðveldlega við, hvetja hann jafnvel upp með bita en ekki má draga hann upp á steininn. Þegar hann er svo er kominn upp fær hann hrós og er svo hvattur aftur niður. Ef þetta gengur vel má svo velja stærri og stærri steina.
Sikk-sakk
Nota má hina ýmsu staura til þess að æfa sikk-sakk en að sjálfsögðu þarf að gæta fyllsta öryggis ef æft er í nágrenni við umferð. Þegar sikk-sakk er æft er hundurinn fenginn til að sikk-sakka á milli súlna eða staura, en hann þarf að vera í augnsambandi og eigandinn þarf í fyrstu að leiða hann á milli súlnanna, síðar getur hundurinn jafnvel farið sjálfur á milli eftir skipun.
Hopp
Gaman er að fá hundinn til þess að stökkva yfir hinar ýmsu hindranir en eins og áður er best að byrja á þeim lágu og færa sig síðan ofar ef allt gengur að óskum. Stórir, langt komnir hundar geta stokkið yfir grindverk eða bekki en þeir smærri upp á og yfir kanta. Ekki þykir heppilegt að láta hvolpa stökkva mikið vegna álags á bein og liði í mótun.
Í garðinum heima
Stundum hefur hundurinn meiri orku heldur en eigandinn og til þess að hundurinn þurfi ekki að fara á mis við skemmtun og andlega örvun er mjög vinsælt að taka nammi eða hluta af fóðurskammti hundsins og dreifa um garðinn og fylgjast svo með því hve duglegur hundurinn er að þefa uppi hverja einustu örðu. Gott er að leyfa hundinum að vinna þessa þraut alveg sjálfur svo að hann nýti hið öfluga þefskyn sitt eins vel og hægt er.
Inni
Ýmislegt má gera til þess að hafa ofan af fyrir hundinum innandyra en við skulum þó ekki gleyma því að allir hundar þurfa sína hvíld og þá sérstaklega hvolpar.
Heima má gera alveg eins og í garðinum, þ.e. að fela eða dreifa hluta af matarskammtinum svo að hundurinn þurfi að eyða smávegis tíma í verkið. Einnig má setja einstaka nammibita á valda staði og sjá hvort hundurinn finnur þá.
Fyrir þá sem eru með mikla nagþörf eða eyðileggingarhvöt duga ekkert nema harðgerð leikföng sem þola álag en margir hafa brugðið á það ráð að setja mat eða nammi inn í flösku og sjá hve lengi hundurinn er að ná gottinu út. Flestir byrja með opna flösku og sumir hundar uppgötva strax góða aðferð við að ná namminu og því gott að loka flöskunni hjá þeim en aðrir eru aðeins lengur að finna réttu aðferðina við verkið.
Nagaðu
Hundar hafa mismikla nagþörf og geta hundar af sömu tegund verið það ólíkir að einn nagar aðeins beinin sín á meðan annar nagar óhikað múrhúð af veggjum, parketlista, húsgögn og fatnað en þá eru góð ráð dýr. Oftast þarf að fá hundinum önnur verk og hafa hann undir stöðugu eftirliti þar til þetta skeið gengur yfir.
Vinsælt nagdót er gott reipi í hæfilegri stærð fyrir hundinn og til þess að gera þetta leyfða leikfang áhugaverðara en nýju skóna er gott að nudda góðan skammt af hnetusmjöri inn í reipið sem verður þá að hinu mesta lostæti. Einnig hefur reynst vel með hvolpa að gefa þeim "íspinna" en þá er hreinni jógurt eða ab-mjólk hrært við banana eða hnetusmjör og fryst í klakaformi eða bollum og hundunum gefið til þess að kæla viðkvæma góma í tanntöku.
Prófaðu
Hægt er að nota húsgögnin á heimilinu í ýmsa leiki, t.d. má binda sippuband utan um stólfót og borð og fá hundinn til að hoppa yfir eða hreinlega reyna að kenna honum að sippa eða nota stólfæturna í sikk-sakk æfingar (ef hundurinn er nógu lítill undir stólana). Einnig er hægt að kenna þeim að hoppa yfir pakka af morgunkorni eða stólana, allt eftir stærð.
Það mikilvægasta er, hvort sem við ætlum að vinna með hundinn eða að leika við hann, að byrja engar æfingar í vondu skapi, þá er betra að sleppa því þar sem alltaf næst betri árangur ef bæði hundur og eigandi hafa gaman af því að vera saman.
Allir hundar þurfa andlega örvun en sumir meira en aðrir og það er gott og gaman að leggja fyrir hundana þrautir eða leiki hvort sem er inni eða úti og höfum við því tekið saman nokkrar hugmyndir.
Úti
Steinar
Stóra steina má nota til þess að auka samstarfsvilja hjá hundinum og sjálfsöryggi hans ásamt því að brjóta aðeins upp göngutúrinn. Til þess að fá hundinn til að fara upp á steina þarf að byrja á steinum sem hann ræður auðveldlega við, hvetja hann jafnvel upp með bita en ekki má draga hann upp á steininn. Þegar hann er svo er kominn upp fær hann hrós og er svo hvattur aftur niður. Ef þetta gengur vel má svo velja stærri og stærri steina.
Sikk-sakk
Nota má hina ýmsu staura til þess að æfa sikk-sakk en að sjálfsögðu þarf að gæta fyllsta öryggis ef æft er í nágrenni við umferð. Þegar sikk-sakk er æft er hundurinn fenginn til að sikk-sakka á milli súlna eða staura, en hann þarf að vera í augnsambandi og eigandinn þarf í fyrstu að leiða hann á milli súlnanna, síðar getur hundurinn jafnvel farið sjálfur á milli eftir skipun.
Hopp
Gaman er að fá hundinn til þess að stökkva yfir hinar ýmsu hindranir en eins og áður er best að byrja á þeim lágu og færa sig síðan ofar ef allt gengur að óskum. Stórir, langt komnir hundar geta stokkið yfir grindverk eða bekki en þeir smærri upp á og yfir kanta. Ekki þykir heppilegt að láta hvolpa stökkva mikið vegna álags á bein og liði í mótun.
Í garðinum heima
Stundum hefur hundurinn meiri orku heldur en eigandinn og til þess að hundurinn þurfi ekki að fara á mis við skemmtun og andlega örvun er mjög vinsælt að taka nammi eða hluta af fóðurskammti hundsins og dreifa um garðinn og fylgjast svo með því hve duglegur hundurinn er að þefa uppi hverja einustu örðu. Gott er að leyfa hundinum að vinna þessa þraut alveg sjálfur svo að hann nýti hið öfluga þefskyn sitt eins vel og hægt er.
Inni
Ýmislegt má gera til þess að hafa ofan af fyrir hundinum innandyra en við skulum þó ekki gleyma því að allir hundar þurfa sína hvíld og þá sérstaklega hvolpar.
Heima má gera alveg eins og í garðinum, þ.e. að fela eða dreifa hluta af matarskammtinum svo að hundurinn þurfi að eyða smávegis tíma í verkið. Einnig má setja einstaka nammibita á valda staði og sjá hvort hundurinn finnur þá.
Fyrir þá sem eru með mikla nagþörf eða eyðileggingarhvöt duga ekkert nema harðgerð leikföng sem þola álag en margir hafa brugðið á það ráð að setja mat eða nammi inn í flösku og sjá hve lengi hundurinn er að ná gottinu út. Flestir byrja með opna flösku og sumir hundar uppgötva strax góða aðferð við að ná namminu og því gott að loka flöskunni hjá þeim en aðrir eru aðeins lengur að finna réttu aðferðina við verkið.
Nagaðu
Hundar hafa mismikla nagþörf og geta hundar af sömu tegund verið það ólíkir að einn nagar aðeins beinin sín á meðan annar nagar óhikað múrhúð af veggjum, parketlista, húsgögn og fatnað en þá eru góð ráð dýr. Oftast þarf að fá hundinum önnur verk og hafa hann undir stöðugu eftirliti þar til þetta skeið gengur yfir.
Vinsælt nagdót er gott reipi í hæfilegri stærð fyrir hundinn og til þess að gera þetta leyfða leikfang áhugaverðara en nýju skóna er gott að nudda góðan skammt af hnetusmjöri inn í reipið sem verður þá að hinu mesta lostæti. Einnig hefur reynst vel með hvolpa að gefa þeim "íspinna" en þá er hreinni jógurt eða ab-mjólk hrært við banana eða hnetusmjör og fryst í klakaformi eða bollum og hundunum gefið til þess að kæla viðkvæma góma í tanntöku.
Prófaðu
Hægt er að nota húsgögnin á heimilinu í ýmsa leiki, t.d. má binda sippuband utan um stólfót og borð og fá hundinn til að hoppa yfir eða hreinlega reyna að kenna honum að sippa eða nota stólfæturna í sikk-sakk æfingar (ef hundurinn er nógu lítill undir stólana). Einnig er hægt að kenna þeim að hoppa yfir pakka af morgunkorni eða stólana, allt eftir stærð.
Það mikilvægasta er, hvort sem við ætlum að vinna með hundinn eða að leika við hann, að byrja engar æfingar í vondu skapi, þá er betra að sleppa því þar sem alltaf næst betri árangur ef bæði hundur og eigandi hafa gaman af því að vera saman.
