Dýralæknirinn Finn Bøserup frá Danmörku augnskoðar hunda í Reiðhöllinni í Víðidal dagana  22. og 23. ágúst, í tengslum við afmælissýningu félagsins.  Virkir félagsmenn geta látið skoða hundana eftir að þeir hafa verið sýndir.  

Tímapantanir fara fram á skrifstofu HRFÍ. Gefa skal upp ættbókarnúmer hunds og ganga frá greiðslu um leið og hundur er skráður. Augnskoðun kostar 5.200.- fyrir hund og er aðeins fyrir virka félagsmenn í HRFÍ.  Skráning rennur út viku fyrir auglýsta skoðun.

Það er skylda hjá fjölmörgum hundategundum að niðurstaða augnskoðunar liggi fyrir hjá undaneldisdýrum fyrir pörun. Vinsamlegast kynnið ykkur sérreglur ræktundardeilda fyrir "ykkar" hundategund.

Dýralæknirinn augnskoðar hunda með tilliti til arfgengra sjúkdóma sem finnast í fjölmörgum hundategundum.

Úr lögum HRFÍ
Áður en hundur er augnskoðaður, mjaðma- og/eða olnbogamyndaður, skal hann örmerktur (húðflúr).
Auk þess skulu hundar sem taka þátt í viðburðum á vegum félagsins t.d. sýningum, veiði- hlýðni og sporaprófum svo og skapgerðarmati, einnig vera örmerktir (húðflúr).
Þetta ákvæði gildir fyrir alla hunda, óháð fæðingardegi.
Sé þetta ákvæði ekki uppfyllt hefur hundur, ekki rétt til þátttöku.
(Gildir frá 1. janúar 2004).

Frétt á síðu HRFÍ