Heiðrun stigahæstu Chihuahua árið 2011, taka tvö!

Kæru félagsmenn, stjórn barst hvatning frá félagsmanni vegna frestunar á heiðrun stigahæsta Chihuahua 2011. Í bréfinu kom fram að hann teldi félagsmenn hafa áhuga á að mæta á slíkan viðburð en setti kostnað fyrir sig. Stjórn gladdist mikið við þessa hvatningu og þær upplýsingar að félagsmenn hefði í raun áhuga á að mæta á uppákomur deildarinnar.

Heiðrun stigahæstu Chihuahua ársins 2011 verður föstudaginn 27. janúar 2012 kl. 20:00 í húsi SAGAsystem að Grensásvegi 3, 108 Reykjavík.

Félagsmenn koma með partýveitingar á sameiginlegt borð, t.d. snakk, ídýfur, salöt, osta, grænmeti, o.fl. ásamt eigin drykkjarveigum. Stjórn sér um glös, diska og servíettur.

Húsnæðið er frítt en í staðinn verðum við að skila því hreinu og óskum við eftir fólki til að aðstoða okkur við þrif í lok kvölds eða daginn eftir.  Ábyrgir félagsmenn deilið kröftum ykkar, svo svona uppákomur verði framkvæmanlegar.

Skráning fer fram á hrfichihuahua@gmail.com í síðasta lagi miðvikudaginn 25. janúar.

Sýnið nú félagsandann og samgleðjist eigendum stigahæstu Chihuahua árið 2011.

Stjórn Chihuahuadeildar HRFÍ